აშშ-მა ჩინურ საქონელზე საერთო ტარიფები 47%-მდე შეამცირა, განაცხადა პრეზიდენტმა დონალდ ტრამპმა მას შემდეგ, რაც მხარეებმა სოიოს, იშვიათი ლითონებისა და ფენტანილის იმპორტთან დაკავშირებით პროგრესს მიაღწიეს.
„ჩვენ შევამცირეთ ის… ჩვენ უკვე ვნახეთ ფენტანილთან დაკავშირებული ქმედებები და ისინი ძალიან მკაცრ ზომებს იღებენ. ასე რომ, 10%-ით შემცირდა“, – განაცხადა ტრამპმა სამხრეთ კორეაში ჩინეთის ლიდერ სი ძინპინთან შეხვედრის შემდეგ Air Force One-ის ბორტზე საუბრისას.
ტრამპმა დასძინა, რომ შემცირება დაუყოვნებლივ ამოქმედდება, რაც იმას ნიშნავს, რომ ჩინური ექსპორტის საერთო ტარიფი აშშ-ში 57%-დან 47%-მდე შემცირდება.
აშშ-ის სავაჭრო წარმომადგენელმა ჯემისონ გრირმა, რომელიც ჟურნალისტებთან საუბრისას ტრამპთან ერთად იმყოფებოდა, განაცხადა, რომ ზოგიერთ კონკრეტულ პროდუქტზე ტარიფები კვლავ მაღალი იქნება. „ზოგიერთი პროდუქტისთვის ეს შეიძლება 100%-მდე გაიზარდოს, მაგრამ, ზოგადად, ეს დაახლოებით 45, 47%-ია“, – აღნიშნა გრირმა.