სახელმწიფო საინფორმაციო სააგენტო „ანადოლუს“ მიერ გავრცელებული წინასწარი შედეგების მიხედვით, თურქეთის საპრეზიდენტო არჩევნების მეორე ტურში მოქმედმა პრეზიდენტმა რეჯეფ თაიფ ერდოღანმა ხმების 56,4% მიიღო, ხოლო ქემალ კილიჩდაროღლუმ 43,6%.
ამავე ინფორმაციით, დათვლილია ბიულეტენების დაახლოებით 49,4%.
ამასთან, „დოიჩე ველე“ წერს, რომ თურქული მედიასაშუალებები განსხვავებულ მონაცემებს აქვეყნებენ. უფრო კონკრეტულად კი, საინფორმაციო სააგენტო ANKA-ს ცნობით, არჩევნებში კილიჩდაროღლუ ლიდერობს.
ინფორმაციისთვის, თურქეთში საარჩევნო უბნები ადგილობრივი დროით 17:00 საათზე დაიხურა.