ცხინვალში ხანძრის შედეგად დაშავებული სამი ადამიანი სამკურნალოდ თბილისში გადაიყვანეს. ამის შესახებ „ეხო კავკაზა“ იუწყება.
ინფორმაცია წითელი ჯვრის კომიტეტში დაადასტურეს. სამივე დაშავებულის მდგომარეობა მძიმეა.
ცნობისთვის, 24 ოქტომბერს დილით ცხინვალში მომხდარი ხანძრის შედეგად ორი ბავშვი დაიღუპა. კიდევ 4 ადამიანი მძიმედ დაშავდა. ხანძრის მიზეზად ბუნებრივი აირის გაჟონვა სახელდება.