რუსეთის ფედერაციის უშიშროების საბჭოს მდივნის სერგეი შოიგუს განცხადებით, უკრაინაში ნატოს ჯარების შეყვანა სამყაროს მესამე მსოფლიო ომამდე მიიყვანს. აღნიშნულის შესახებ რუსეთის ფედერაციის უშიშროების საბჭოს მდივანმა TASS-თან ინტერვიუში განაცხადა.
„საფრანგეთის პრეზიდენტი, ემანუელ მაკრონი ამბობს, რომ უკრაინას აქვს უფლება რუსეთთან შეთანხმების გარეშე ნატოს კონტინგენტის განთავსება მოითხოვოს. თუმცა, ევროპის საღად მოაზროვნე ადამიანები ხვდებიან, რომ ასეთი სცენარის რეალიზება რუსეთსა და ნატოს შორის დაპირისპირებას გამოიწვევს, რაც მომავალში მესამე მსოფლიო ომამდე მიგვიყვანს“, – აღნიშნა შოიგუმ.