„მსოფლიოში კონფლიქტის, ძალადობის, ადამიანის უფლებების დარღვევისა და იძულებით გადაადგილებულ პირთა რიცხვმა განსაცვიფრებელ ნიშნულს – 100 მილიონს პირველად, რეკორდულად გადააჭარბა. საუბარია უკრაინის ომზე და სხვა კონფლიქტებზე“, – ამის შესახებ გაეროს განცხადებაშია ნათქვამი.
გაერო მონაცემებს საგანგაშოს უწოდებს.
„ეს მონაცემი უნდა იყოს ერთგვარი გამოღვიძების სიგნალი იმისთვის, რომ ყველა არსებული კონფლიქტი დასრულდეს“, – აღნიშნულია განცხადებაში.
გაეროს ლტოლვილთა უმაღლესი კომისარიატის (UNHCR) განცხადებით, უკრაინის ომის გამო 8 მილიონი ადამიანი იძულებული გახდა ქვეყნის შიგნით გადაადგილებულიყო, ხოლო 6 მილიონზე მეტმა ადამიანმა სამშობლო დატოვა.
გასულ წელს გაეროს მონაცემებით ლტოლვილთა რიცხვი 90 მილიონამდე გაიზარდა გამო ეთიოპიაში, ბურკინა ფასოში, მიანმარში, ნიგერიაში, ავღანეთსა და კონგოს დემოკრატიულ რესპუბლიკაში.