უკრაინის ქალაქ მელიტოპოლში, რომელსაც ამჟამად რუსები აკონტროლებენ, ოკუპანტებმა ავტობუსებიდან 14 ტონა ჰუმანიტარული დახმარება მოიპარეს, – ამის შესახებ უკრაინის ვიცე-პრემიერმა ირინა ვერეშჩუკმა განაცხადა.
მისივე თქმით, ადამიანების ევაკუაციისთვის დღეს მელიტოპოლში 12 ავტობუსი მივიდა.
„მთელი ჰუმანიტარული დახმარება საოკუპაციო ჯარებმა წაიღეს – ეს არის 14 ტონა საკვები და წამალი. ჩვენ მოლაპარაკებას ვაწარმოებთ, რომ ავტობუსები დაბრუნდნენ და მელიტოპოლის მცხოვრებლებმა ხვალ ზაპოროჟიეში წასვლა შეძლონ“, – განაცხადა ვერეშჩუკმა.