უნგრეთის საგარეო საქმეთა მინისტრი პიტერ სიიარტო ბრიუსელში ევროკავშირის საგარეო საქმეთა მინისტრების დღევანდელ შეხვედრაზე საქართველოს ხელისუფლების წარმომდგენლებისთვის პერსონალური სანქციების დაწესების წინააღმდეგია. ინფორმაციას უნგრეთის პრემიერის პრესსპიკერი ზოლტან კოვაჩი სოციალურ ქსელ X-ში ავრცელებს.
კოვაჩის თქმით, მინისტრი სიიარტო არ ემხრობა ქართველი მაღალჩინოსნების წინააღმდეგ შესაძლო სანქციების შემოღებას.
„მათ თავს ესხმიან მხოლოდ იმიტომ, რომ ქართველმა ხალხმა გაბედა და სუვერენული მთავრობა აირჩია“, – ციტირებს კოვაჩი სიიარტოს.