უფასო სწავლა უცხოეთში, კერძოდ – რუსეთში: გამოცხადებულია საბუთების მიღება რუსეთში უმაღლესი განათლების მსურველთათვის. ასევე მათთვის, ვისაც რუსეთში სამეცნიერო საქმიანობა – ასპირანტურის გაგრძელება სწადია. საქართველოდან რუსეთში სწავლის დაწყება-გაგრძელება-დასრულების მსურველთათვის რუსული მხარის მიერ ოფიციალურად, სამთავრობო დონეზე, გამოყოფილია 300 ადგილი. და ეს ყველაფერი – სრულიად უფასოდ. განათლების მიღება რუსეთის წამყვან უნივერსიტეტებში 0 თეთრი დაგიჯდებათ! არ ფლობთ რუსულ ენას? – პრობლემა არ არის: თქვენ გაქვთ საშუალება, 1 წელი მოსამზადებელი ენის კურსები გაიაროთ რუსეთშივე, ასევე სრულიად უფასოდ! გახსოვდეთ, რომ რუსული დიპლომები ნოსტრიფიცირებულია ანუ აღიარებულია საქართველოში ისევე, როგორც რუსეთში – ქართული დიპლომები. რუსეთის უმაღლეს სასწავლებლებში მოსახვედრად თქვენ არ მოგიწევთ გამოცდების ჩაბარება, რადგან 300 ადგილი საქართველოსთვის არის რეზერვირებული, რუსეთის განათლების სამინისტროს მიერ. ამიტომ, რუსეთის უმაღლეს სასწავლებლებში მოსახვედრად თქვენ გადიხართ ორ ეტაპს: 1. ანკეტა-განაცხადსა და სხვა საჭირო საბუთებს ატვირთავთ სპეციალურ საიტზე; 2. გარკვეული პერიოდი ელოდებით განაცხადის სტატუსის დადასტურებას და შემდეგ თქვენ მოგიწვევენ პერსონალურ გასაუბრებაზე თბილისში. თუკი ეს პირობები თქვენთვის მისაღებია, ნუ გადადებთ და დაიწყეთ მოქმედება! ქვემოთ წარმოგიდგენთ იმ ნაბიჯებს, რომლებიც უნდა გადადგათ: შეავსეთ ანკეტა-განაცხადი და დარეგისტრირდით საიტზე Education in Russia: https://education-in-russia.com/ (ვინც რუსულს არ ფლობთ, მენიუში აირჩიეთ სხვა უცხო ენა); ატვირთეთ: ანკეტა-განაცხადი, საზღვარგარეთის პასპორტი, ფოტოსურათი, თანხმობა პერსონალური მონაცემების დამუშავებაზე, განათლების დამადასტურებელი ცნობა; დაელოდეთ გასაუბრებაზე მოწვევას. კომისია თქვენ თავად დაგიკავშირდებათ და თბილისში, დათქმულ დროს, დიპლომატიურ დაწესებულებაში მოგიწვევთ თქვენი და თქვენი გეგმების გაცნობის მიზნით. გასაუბრებაზე თან იქონიეთ: განათლების დამადასტურებელი დოკუმენტი თანდართული ნიშნების ფურცლით, ასევე სიგელები, გრანტები, შემოქმედებითი ნამუშევრები და ა. შ. – გაითვალისწინეთ, რომ რაც უფრო უკეთესი აკადემიური მოსწრება და მიღწევებით გაქვთ, კომისია მით უფრო მაღალ ქულას დაგიწერთ და რეკომენდაციას გაგიწევთ რუსეთში სწავლის დასაფინანსებლად. თუ რა უნდა იღონოთ გასაუბრების გავლის შემდეგ, ადგილზე შეიტყობთ! მაშ ასე, მსურველებს ველით! სწავლება შემდეგ პროგრამებზე: ბაკალავრიატი და სპეციალიტეტი, მაგისტრატურა, ასპირანტურა (ორდინატურა, ადიუნქტურა) და ასისტენტურა-სტაჟირება. კიდევ ერთხელ: ნუ შეუშინდებით, თუკი არ ფლობთ რუსულ ენას. მთავარია, რომ კარგი მოსწავლეები და სტუდენტები იყოთ, გქონდეთ შემოქმედებითი, საზოგადოებრივი თუ სპორტული აქტივობები. თქვენი შრომა წყალში არ ჩაიყრება, ყველაფერი ეს დაგიფასდებათ! სურვილის შემთხვევაში, დამატებითი კითხვებისთვის შეგიძლიათ მოგვწეროთ: geurasiageo@gmail.com (ბ-ნ გულბაათ რცხილაძეს). აუცილებლად მიუთითეთ თქვენი საკონტაქტო ტელეფონის ნომერი.
უფასო უმაღლესი განათლება უცხოეთში – 2024 წლის საბუთების მიღება დაწყებულია!
წინა სტატია