აშშ-ის სახელმწიფო მდივანმა, მარკო რუბიომ განაცხადა, რომ საერთაშორისო განვითარების სააგენტო (USAID) ოფიციალურად ლიკვიდაციის რეჟიმშია.
„პრეზიდენტ ტრამპს ვუთხარი ხუმრობით, რომ ოთხი სამსახური მაქვს. მან მირჩია, ერთი ჩემი მეგობრისთვის, რასელ ვოტისთვის მიმეცა და მეც ასე მოვიქეცი“, – აღნიშნა აშშ-ის სახელმწიფო მდივანმა.
მან ასევე შეახსენა საზოგადოებას, რომ 2025 წლის იანვრიდან მათ გადასახადის გადამხდელებს ათობით მილიარდი დოლარი დაუზოგეს.
„მას შემდეგ, რაც ძირითადი პროგრამების მცირე ნაწილი სახელმწიფო დეპარტამენტს გადაეცა, USAID-ი ოფიციალურად ლიკვიდაციის რეჟიმშია. რასელ ვოტი ახლა სათავეში ჩაუდგა იმ სააგენტოს დახურვის პროცესს, რომელიც დიდი ხნის წინ ასცდა სწორ გზას“, – დასძინა მარკო რუბიომ.