რუსეთის ფედერაციის პრეზიდენტი ვლადიმერ პუტინი ყაზახეთში ჩავიდა.
როგორც რუსული სამთავრობო მედია წერს, პუტინის თვითმფრინავი გამთენიისას დაეშვა ასტანაში.
„ტასის“ ცნობით, ყაზახეთში ვლადიმერ პუტინს დატვირთული სამუშაო განრიგი ექნება.
„სახელმწიფო რეზიდენციაში პუტინი ყაზახ კოლეგას შეხვდება, ამის შემდგომ კი ვიწრო და გაფართოებულ ფორმატში მოლაპარაკებები გაიმართება. შემდეგ კი ხელი მოეწერება დოკუმენტებს. შემდეგ ლიდერები მედიისთვის განცხადებებს გააკეთებენ“, – წერს რუსული მედია.
გარდა ამისა, ტოყაევი რუსეთის ლიდერის პატივსაცემად ოფიციალურ მიღებას გამართავს.