უკრაინის პრეზიდენტმა ვოლოდიმერ ზელენსკიმ განაცხადა, რომ ვლადიმერ პუტინმა ყველაზე დიდი ზიანი მიაყენა რუსულ ენას.
„ვლადიმერ ვლადიმეროვიჩ პუტინმა ყველაზე დიდი ზიანი რუსულ ენას მიაყენა. ვფიქრობ, რომ ეს გამოუსწორებელი ზიანია. რა თქმა უნდა, რუსეთის ფარგლებს გარეთ, ადამიანებისთვის რუსულ ენაზე საუბარი უხერხული იქნება. ეს მოხდება ამ კონკრეტული ომის შემდეგ, რომლის შედეგადაც, მსოფლიოში კონკრეტული აგრესორი დასახელდა. სულ ესაა“, – აცხადებს უკრაინის პრეზიდენტი.
მას, ასევე, სჯერა, რომ ომით დაზარალებულ უკრაინელებს ახლა ყველაფერი რუსული შეძულდებათ.