გმადლობთ, რომ ხელი მოაწერეთ კანონს, რომელიც უკრაინისთვის დამატებითი 12.35 მილიარდი დოლარის ოდენობის დახმარების აღმოჩენას ითვალისწინებს – ვაფასებთ უკრაინის მიმართ ამერიკელი ხალხის სოლიდარობის ამ ძლიერ აქტს და ჩვენი სახელმწიფოს მიმართ ორპალატიან და ორპარტიულ მხარდაჭერას, – ამის შესახებ უკრაინის პრეზიდენტი, ვოლოდიმირ ზელენსკი „ტვიტერზე“ წერს.
„კანონპროექტს მხარი აშშ-ის კონგრესის ორივე პალატამ დაუჭირა. ჩვენ ვაფასებთ უკრაინის მიმართ ამერიკელი ხალხის სოლიდარობის ამ ძლიერ აქტს და ჩვენი სახელმწიფოს მიმართ ორპალატიან და ორპარტიულ მხარდაჭერას. კანონი ითვალისწინებს თავდაცვის პროგრამების დაფინანსებას, ასევე უკრაინისთვის ძლიერ პირდაპირ საბიუჯეტო მხარდაჭერას. ეს დახმარება დღეს ისეთი მნიშვნელოვანია, როგორც არასდროს. ჩვენ უნდა გავაგრძელოთ რუსეთის ფედერაციის აგრესიისთვის ერთობლივი წინააღმდეგობის გაწევა!“ – აცხადებს ზელენსკი.
შეგახსენებთ, აშშ-ის პრეზიდენტმა, ჯო ბაიდენმა ხელი მოაწერა კანონს, რომელიც უკრაინისთვის დამატებით 12.35 მილიარდი დოლარის ოდენობის დახმარებას გამოყოფას ითვალისწინებს.