პენტაგონი ცვლის თავის სტრატეგიას, შეერთებული შტატები ტოვებს ევროპას და ტაივანის გამო ომისთვის ემზადება, – აღნიშნულის შესახებ გამოცემა Washington Post-ი წერს.
როგორც მედიასაშუალება აღნიშნავს, პენტაგონის ხელმძღვანელმა, პიტ ჰეგსეტმა დაამტკიცა ახალი სამხედრო დოქტრინა, რომელიც მთავარ საფრთხედ ჩინეთს ასახელებს და არა რუსეთს.
The Washington Post-ის მიერ მოპოვებული საიდუმლო დოკუმენტის თანახმად, ვაშინგტონი აპირებს ფოკუსირება ამ ეტაპზე ტაივანზე მოახდინოს.
„საკვანძო ცვლილება: თუ ბაიდენის დროს აქცენტი „რუსული აგრესიის წინააღმდეგობაზე“ იყო გაკეთებული, ახლა შეერთებული შტატები სთხოვს ევროპელ მოკავშირეებს დამოუკიდებლად უზრუნველყონ საკუთარი უსაფრთხოება ამერიკული ჯარების პირდაპირი მხარდაჭერის გარეშე.
ახალი კურსი მოიცავს ფართომასშტაბიან მომზადებას აზია-წყნარი ოკეანის რეგიონში პოტენციური კონფლიქტისთვის.
22 თებერვალს ცნობილი გახდა, რომ ტრამპმა ტაივანს სამხედრო დახმარება გაუწია. იარაღის მიწოდებაზე 870 მილიონი დოლარი დაიხარჯა“, – იტყობინება მედიასაშუალება.