უკრაინის პრეზიდენტის განცხადებით, კრემლის ლიდერი ბავშვებს კლავს, რათა შემდგომ არ ილაპარაკოს იმაზე თუ როდის და როგორ იქნება მშვიდობა.
როგორც ზელენსკიმ აღნიშნა, უკრაინაზე რუსეთის დარტყმა ევროპასა და პრეზიდენტ ტრამპზე დარტყმაა.
„ეს დარტყმა ნათლად აჩვენებს, რომ რუსეთის მიზნები რეალურად არ შეცვლილა. მათ სურთ ბრძოლა, ისინი ურტყამენ არა მხოლოდ ჩვენს ხალხს, არა მხოლოდ ჩვენს ქალაქებსა და თემებს, არამედ მსოფლიოში ყველას, ვისაც მშვიდობა სურს. ეს დარტყმაა ევროპაზე, ასევე ეს რუსეთის დარტყმაა პრეზიდენტ ტრამპზე, სხვა გლობალურ სუბიექტებზე.
ვაშინგტონში ჩვენ გვესმოდა, რომ პუტინი თითქოსდა მზად არის ომის დასრულებისთვის – ლიდერების დონეზე შეხვედრისთვისა და საკვანძო საკითხების მოგვარებისთვის. მაგრამ ის ბალისტიკურ რაკეტებს ირჩევს მშვიდობისკენ რაიმე რეალური ნაბიჯების ნაცვლად.
ის ბავშვებს კლავს, რათა არ ილაპარაკოს იმაზე თუ როდის და როგორ იქნება მშვიდობა. პრობლემა იმაშია, რომ მას არ ეშინია ასე დარტყმა იმ ლიდერებზე, რომლებსაც ის რაღაცას ჰპირდება.
მსოფლიოს სჭირდება მკაფიო პასუხი ამ ბოროტებაზე. არ არსებობს ვადები, რომლებსაც პუტინი არ დაარღვევს. საჭიროა ძლიერი ნაბიჯების გადადგმა. მადლობა ყველას, ვინც ამას ხვდება. სანქციები საჭიროა. ტარიფები საჭიროა მათთვის, ვინც ამ ომს აფინანსებს“, – განაცხადა ზელენსკიმ ვიდეომიმართვისას.