ვლადიმერ ხინჩეგაშვილი ყაზახეთის დამსახურებულ მწვრთნელს ნურგაზ ჟარილგაპოვს, ოლიმპიური თამაშებისა და მსოფლიოს ჩემპიონ სერიკ საპიევს, დელეგაციის სხვა წევრებთან ერთად შეხვდა. შეხვედრას ასევე ესწრებოდა გორის მუნიციპალიტეტის განვითარებისა და ტანისა და თეძამის დაცული ლანდშაპტის მართვის სააგენტოს ხელმძღვანელის მოვალეობის შემსრულებელი თამაზ მაყაშვილი.
შეხვედრაზე საუბარი შეეხო ორი ქვეყნის ურთიერთთანამშრომლობასა და ამ ურთიერთობების კიდევ უფრო გაღრმავებას. გორის მუნიციპალიტეტის მერმა დელეგაციის წევრებთან შეხვედრაზე ასევე ისაუბრა ყარაღანდასთან სამომავლო თანამშრომლობის შესახებ.
ყაზახეთის წარმომადგენლები გორში გიორგი კანდელაკის სახელობის საერთაშორისო ტურნირს დაესწრნენ.
