5 ივლისის საქმეზე ბრალდებულები სასამართლომ დამნაშავედ ცნო

5 ივლისს ჟურნალისტებსა და ოპერატორებზე თავდასხმისთვის ბრალდებულები სასამართლომ დამნაშავედ ცნო.

მოსამართლე ნინო ჩახნაშვილის განაჩენი შემდეგნაირად გამოიყურება: ბრალდებულებს – გიორგი ნასყიდაშვილს, გიორგი კახიანს, რომეო კეკუტიასა და ზაზა მჭედლიძეს 1 წლითა და 3 თვით თავისუფლების აღკვეთა შეეფარდათ, ილია ქებაძესა და თემურ ხარაულს – 1 წლითა და 2 თვის ვადით, ხოლო უშანგი დათუნაშვილს 5000-ლარიანი გირაო დაეკისრა.

ჩახნაშვილმა ბრალდებულებს ორგანიზებული ჯგუფური ძალადობა გადაუკვალიფიცირა ჯგუფურ ძალადობაში.

შეგახსენებთ, რომ 5-6 ივლისს თბილისში „ლგბტ“ მარშის საწინააღმდეგო აქციების დროს დაკავებულ პირთა,  მხარდასაჭერად ფართომასშტაბიანი აქცია მიმდინარეობს. იმ შემთხვევაში, თუ სასამართლო აღნიშნულ ეპიზოდებზე ობიექტურ განაჩენს არ გამოიტანს, მხარდამჭერები მასშტაბური აქციების გამართვას აანონსებენ.