თბილისის მერი კახა კალაძე ბუჩიდან გავრცელებულ ადამიანების წამებისა და ხოცვა-ჟლეტის ამსახველ კადრებს ტვიტერზე ეხმაურება.
აღნიშნულ ფაქტს კალაძე შემზარავს უწოდებს და ამბობს, რომ დარწმუნებულია, ეს დანაშაული დაუსჯელი არ დარჩება:
„ძალადობას, ტერორს, სადიზმს დღეს ერთი სახელი აქვს – ბუჩა. არცერთი სიტყვა ზუსტად არ გამოხატავს იმ საშინელებას, რომელიც ბუჩაში ვიხილეთ. დარწმუნებული ვარ, ეს შემზარავი დანაშაული არ დარჩება დაუსჯელი. სამძიმარს ვუცხადებ უკრაინელ ხალხს ამ მძიმე წუთებში!“, – წერს კახა კალაძე.
