ჩრდილოეთ ოსეთის ტელეგრამის არხები იუწყებიან, რომ ადამიანებს ზემო ლარსში საპასპორტო კონტროლის გავლისა და რუსეთ-საქართველოს საზღვრის ფეხით გადაკვეთის უფლება მიეცათ. აქამდე საზღვრის გადაკვეთა მხოლოდ მანქანით ან ველოსიპედით შეიძლებოდა. ამის შესახებ „ეხო კავკაზა“ წერს.
გავრცელებული ინფორმაციით, რეჟიმის გამარტივება საზღვარზე ჩამოსული ხალხის სიმრავლითაა განპირობებული.
ინფორმაცია ოფიციალურად არ დადასტურებულა. თუმცა, ზემო ლარსის ჩატის ზოგიერთი მონაწილე, ისევე როგორც Tbilisi_life ტელეგრამის არხი, წერს, რომ საზღვრის გადაკვეთა უკვე შესაძლებელია ფეხით.