ათენსა და თესალონიკში გამართული საპროტესტო აქცია პოლიციასთან დაპირისპირებაში გადაიზარდა. დაკავებულია 35 აქტივისტი.
ათასობით დემონსტრანტი, პოლიციის მიერ მოზარდის მკვლელობიდან 14 წლისთავის აღსანიშნავად, ქუჩაში გამოვიდა.
მათ პოლიციის მხრიდან სასტიკი მოპყრობის ფაქტები გააპროტესტეს. ათენსა და თესალონიკში, აქციის მონაწილეებმა სამართალდამცველებს ე.წ. მოლოტოვის კოქტეილები დაუშინეს. პოლიციამ მათი დაშლა ცრემლსადენი გაზით სცადა.
