აშშ-ის სახელმწიფო მდივანი ენტონი ბლინკენი 6 სექტემბერს კიევში ჩავიდა. ის უკრაინის პრეზიდენტ ვოლოდიმირ ზელენსკის და საგარეო საქმეთა მინისტრ დმიტრო კულებას უნდა შეხვდეს. ბლინკენი აპირებს უკრაინისთვის 1 მილიარდი დოლარის დახმარება გამოაცხადოს. ამის შესახებ Reuters აშშ-ის სახელმწიფო დეპარტამენტის მაღალჩინოსანზე დაყრდნობით იტყობინება.
ბლინკენი კიევში ღამის მატარებლით პოლონეთიდან ჩავიდა.
ეს უკვე მისი მესამე ვიზიტია უკრაინის დედაქალაქში, უკრაინაში რუსეთის სრულმასშტაბიანი შეჭრის შემდეგ.
Reuters-ის ცნობით , ბლინკენის ვიზიტი უკრაინაში 2 დღე გაგრძელდება.
თავდაპირველად ბლინკენი უკრაინას 2022 წლის აპრილში თავდაცვის მდივან ლოიდ ოსტინთან ერთად ეწვია.