კახოვკის ჰიდროელექტროსადგურის აფეთქების შედეგად ხერსონში წყლის დონე 5,29 მეტრს შეადგენს. ამის შესხებ ხერსონის ოლქის ჰიდრომეტეოროლოგიის ხელმძღვანელმა იური კირიაკმა განაცხადა.
„ჰიდროლოგიური დონე 5 მეტრსა და 29 სანტიმეტრს შეადგენს, ანუ, ბოლო 29 საათში წყლის დონემ 5 მეტრით მოიმატა“, – აცხადებს კირიაკი.
მისივე განცხადებით, ამ დროისთვის კახოვკის წყალსაცავიდან წყლის მოცულობის მხოლოდ ერთი მეოთხედია გამოსული.
როგორც უკრაინის ხელისუფლებაში აცხადებენ, 6 ივნისის ღამეს რუსმა ოკუპანტებმა ააფეთქეს კახოვკის ჰიდროელექტროსადგურის წინასწარ დანაღმული კაშხალი. წყალდიდობის საფრთხის ქვეშ 80-მდე დასახლებაა, ძირითადად ხერსონისა და ნიკოლაევის ოლქებში