ჩრდილოეთ კორეამ ბირთვული კონტრიერიშის პირველი წვრთნები ჩაატარა. ამის შესახებ სახელმწიფო სააგენტო KCNA იტყობინება.
„ბირთვული იარაღის მართვის ეროვნული სისტემის ცდებს, რომელსაც „ბირთვული სასხლეტი“ ჰქვია, საარტილერიო ჯარებიც შეუერთდნენ“, – წერს სააგენტო KCNA.
მათივე ინფორმაციით, წვრთნების მიზანი „დივერსიფიცირებული ბირთვული პოტენციალის დემონსტრაცია და სამხრეთ კორეისა და აშშ-ის პროვოკაციული სამხედრო წვრთნების წინააღმდეგ პროტესტის გამოხატვა“ იყო.
„წვრთნებს აკვირდებოდა ჩრდილოეთ კორეის ლიდერი კიმ ჩენ ინი, რომელმაც მსოფლიოში საუკეთესო ტაქტიკურ ბირთვულ იარაღს და ჩატარებულ წვრთნებს დადებითი შეფასება მისცა“, – წერს სააგენტო KCNA.