კანონს „აგენტების შესახებ“ ვეტოს დავადებ, რადგან ის იმისთვისაა, რომ დაგვაშოროს ევროპას – სალომე ზურაბიშვილი

საქართველოს პრეზიდენტის, სალომე ზურაბიშვილის განცხადებით, „ხალხის ძალის“ მიერ ინიცირებულ კანონპროექტს „უცხოური გავლენის გამჭვირვალობის შესახებ“ მიღების შემთხვევაში ვეტოს დაადებს.

„პირველი ვიყავი მგონი, ვინც ამ თემაზე გააკეთა კომენტარი და მინდა გითხრათ, რომ კატეგორიულად წინააღმდეგი ვარ იმ კანონის, რომლის განხილვაც ახლა მიდის. არ შევალ ამ კანონის განხილვაში – ვეტოს დავადებ. მე არ მაქვს სამართლებრივი პოზიციები, რომ ის მუხლი ან ეს მუხლი არ ვარგა, ეს არის პირდაპირ, კანონი მიღებული იმისთვის, რომ დაგვაშოროს ევროპას და ამდენად, ჩემთვის არის მიუღებელი “, – განაცხადა სალომე ზურაბიშვილმა სიტყვით გამოსვლისას.