რუსეთის პრეზიდენტის პრესმდივანმა დმიტრი პესკოვმა ღიად განაცხადა, რომ უკრაინამ უნდა შეასრულოს რუსეთის მოთხოვნები, რათა არსებული სიტუაცია მოგვარდეს.
„უკრაინის ხელმძღვანელობას ყველა შესაძლებლობა აქვს, სიტუაცია ნორმალურ მდგომარეობაში დააბრუნოს. მათ ყველა შესაძლებლობა აქვთ შეასრულონ რუსეთის ფედერაციის მოთხოვნები და ამით შეაჩერონ მშვიდობიანი მოსახლეობის ტანჯვა“, – აცხადებს პესკოვი.
ამასთან, კრემლში განაცხადეს, რომ ელექტროენერგიის და სითბოს ნაკლებობა უკრაინის ბევრ რეგიონში არის კიევის ხელისუფლების ქმედებების შედეგი, რადგან ისინი უარს ამბობენ მოლაპარაკების მაგიდასთან დასხდომაზე.
