კონგოს დედაქალაქ კინშასაში წყალდიდობისა და მეწყერის შედეგად დაღუპულთა რიცხვი 140-მდე გაიზარდა ინფორმაციას AP NEWS-ი მთავრობაზე დაყრდნობით ავრცელებს.
„ასოშიეთიდ პრესი“ წერს, რომ სულ მცირე 12 ადამიანი კვლავ უგზო-უკვლოდ დაკარგულად მიიჩნევა, ხელისუფლება ოპტიმისტურად არ არის განწყობილი, რომ ვინმეს ცოცხლად იპოვიან.
„ადამიანების პოვნის იმედი არ არსებობს“, – განუცხადა ჯანდაცვის მინისტრმა ლიზა ნემბალემბამ Associated Press-ს.
კონგოს მთავრობამ სამდღიანი გლოვა გამოაცხადა.
კინშასაში დაახლოებით 12 მილიონი ადამიანი ცხოვრობს. ადგილობრივი ხელისუფლების განცხადებით, 40 000 სახლი დაიტბორა.