ჩრდილოეთ ოსეთი-ალანიის რესპუბლიკის ხელმძღვანელმა სერგეი მენიაილომ განაცხადა, რომ რუსეთ-საქართველოს საზღვარზე, ზემო ლარსის საგუშაგოს ტერიტორიაზე, საგანგებო მდგომარეობის შემოღებას გეგმავს.
როგორც მენიაილომ განაცხადა, ასევე გაიხსნება დროებითი განსახლების ცენტრები მოქალაქეებისთვის.
„ახლა ვითარება ფასდება და, დიდი ალბათობით, მე გადავწყვეტ საგანგებო მდგომარეობის შემოღებას [გამშვებ პუნქტზე], განვათავსო დროებითი განსახლების ცენტრი იქ, რადგან იქ ქალები და ბავშვები არიან”, – თქვა მენიაილომ.
დღეს ცნობილი გახდა, რომ საქართველოს საზღვარზე, ზემო ლარსის გამშვებ პუნქტზე მალე სამხედრო კომისარიატის სამობილიზაციო პუნქტი განთავსდება. ამის შესახებ ჩრდილოეთ ოსეთის შინაგან საქმეთა სამინისტროში განაცხადეს.
