უკრაინის პრეზიდენტის აპარატის უფროსის მრჩეველი ალექსეი არესტოვიჩი აცხადებს, რომ უკრაინელებმა რუსების არაერთი ელიტარული ქვედანაყოფი გაანადგურეს.
მისივე თქმით, ისეთი შთაბეჭდილება რჩება, რომ პუტინი რუსეთის მამრობით მოსახლეობას გამიზნულად ანადგურებს.
„ჩვენ დავამარცხეთ ელიტარული დივიზიები. ახლა კი შევხვდებით არმიას, რომელსაც აქამდე არ უბრძოლია.
მე ვფიქრობ, რომ პუტინის რეჟიმი ამას გამიზნულად გააკეთებს, სანამ რუსეთის მამრობითი მოსახლეობა არ დამთავრდება და ეს კიდევ ერთხელ მარწმუნებს, რომ პუტინი ამერიკელი ან ჩინელი ჯაშუშია, რადგან მხოლოდ ასეთ ადამიანს შეუძლია, რომ ასე ეფექტურად შეამციროს რუსეთის მამრობითი მოსახლეობა“, – განაცხადა არესტოვიჩმა.
