„ევროპული საქართველოს“ ლიდერი გიგა ბოკერია ექსპრეზიდენტ მიხეილ სააკაშვილის განცხადებას პასუხობს, რომლის თანახმადაც „ვინც ბოკერიას გზას დაადგება, განულდება და დაამთავრებს, როგორც გიგა ბოკერია“.
„გზამ შავრაზმული პოპულიზმის, პოპულიზმში „ქართულ ოცნებასთან“ და ბიძინა ივანიშვილთან შეჯიბრის, ეთნორელიგიურში, ჯვრების ქნევასა თუ სოციალიზმში – ამ გზამ, უპრინციპობამ და ბელადომანიამ, რომ ბელადი ყოველთვის მართალი უნდა იყოს – ამან მიიყვანა „ნაციონალური მოძრაობა ამ კრიზისამდე და მათ შორის, მიხეილ სააკაშვილი იმ მდგომარეობამდე, სადაც ის არის“, – აცხადებს ბოკერია.
ბოკერიას თქმით, ერთ წამს იმის ძახილი, რომ „უკრაინელი პოლიტიკოსი ვარ, საქართველოში აღარ ჩავერევი, მეორე წამს ჯანმრთელობის მდგომარეობაზე საუბარი და მესამე წამს ისევ ბრძოლაზე საუბარი,“ მორალური კატასტროფაა.