31 იანვრის საღამოს რუსებმა ხარკოვის ოლქის ველიკი-ბურლუკის რაიონზე შეტევა განახორციელეს. ამის შესახებ ინფორმაციას ხარკოვის ოლქის სამხედრო ადმინისტრაციის ხელმძღვანელი ოლეგ სინეგუბოვი ავრცელებს. მისი თქმით, ადგილობრივი დროით დაახლოებით 21:50 საათზე მტერმა ორი ავიაბომბი გაუშვა.
„განხორციელდა 38 ადამიანის ევაკუაცია. ოთხ ადამიანს პირველადი დახმარება ადგილზე აღმოუჩინეს, დანარჩენები კი საავადმყოფოში გადაიყვანეს“, – ნათქვამია ინფორმაციაში.
არსებული ცნობით, შეტევის შედეგად დაზიანდა შენობისა ფასადი, სახურავი და ფანჯრები. ადგილზე მეხანძრე-მაშველები მუშაობენ.