სააკაშვილის პოლიტიკიდან წასვლაზე განცხადებები არ უნდა ყოფილიყო – ნიკა გვარამია

რადიკალური ოპოზიციური არხის დამფუძნებლის ნიკა გვარამიას განცხადებით, პატიმარ მიხეილ სააკაშვილის ქართული პოლიტიკიდან წასვლაზე განცხადებები არ უნდა გაკეთებულიყო.

ამასთან, გვარამია ამბობს, რომ სტრასბურგში დროებითი ღონისძიების მოთხოვნა, მცდარი იყო.

„რა იყო არასწორი:

1. არ უნდა მოხსნილიყო/გაბუნდოვანებულიყო მთავარი ხაზი – პოლიტპატიმრობა და არაჰუმანური მოპყრობა და არ მომხდარიყო სრულად გადართვა ჯანმრთელობის მიმდინარე მდგომარეობაზე

2. არ უნდა ყოფილიყო განცხადებები მიშას საქართველოს პოლიტიკიდან წასვლაზე – ან რატომ უნდა წავიდეს, ან რისთვის გაკეთდა ეს განცხადებები საერთოდ, თეორიულადაც ვერაფრის მომტანი, უკუეფექტის გარდა

3. სტრასბურგში დროებითი ღონისძიების მოთხოვნა იყო, ჩემი აზრით, მცდარი. უარი ამაზე 99%-ით პროგნოზირებადი იყო სტრასბურგის პრაქტიკის გათვალისწინებით და არა იმის გამო, რომ სააკაშვილის მდგომარეობა სტრასბურგმა მძიმედ არ მიიჩნია. სასამართლოს უარი კი სწორედ ასე „გაყიდა“ ოცნების პროპაგანდამ – „სტრასბურგმა დაადგინა, რომ არაფერი არ ჭირს“, რაც ცხადია ტყუილია, მაგრამ იმუშავა“, – აცხადებს გვარამია.