24 ივნისს სანკტ-პეტერბურგში ჩხრეკისას აღმოჩენილი 10 მილიარდი რუბლი ევგენი პრიგოჟინს დაუბრუნდა. ამის შესახებ გამოცემა „ფონტანკა“ იუწყება.
გამოცემა წერს, რომ 2 ივლისს, გამოძიება არ აპირებდა კერძო სამხედრო კომპანია „ვაგნერის“ დამფუძნებელ ევგენი პრიგოჟინისთვის თანხის დაბრუნებას, თუმცა იმავე დღეს გვიან გადაწყვეტილება შეცვალეს.
„ფონტანკას“ თანახმად, 2 ივლისის საღამოს ევგენი პრიგოჟინს დაუბრუნეს მთელი თანხა და ძვირფასი ნივთები. თუმცა პრიგოჟინი თავად პროცედურას არ ესწრებოდა. ბიზნესმენის ნაცვლად ადგილზე გამოცხადდა მისი მძღოლი მინდობილობით. წინასწარი მონაცემებით, შაბათ-კვირას პრიგოჟინი მოსკოვში იმყოფებოდა.
მნიშვნელოვანია, რომ უკვე ჩხრეკის დღესვე პრიგოჟინმა განაცხადა, რომ ეს თანხა ვაგნერის PMC-ის მებრძოლების ხელფასებისა და დაღუპულთა ახლობლებისთვის იყო განკუთვნილი.
