ევროპარლამენტის ყოფილი წევრი, რებეკა ჰარმსი მიხეილ სააკაშვილის ვიდეოკადრების გასაჯაროებას „ტვიტერზე“ ეხმაურება და წერს, რომ სალომე ზურაბიშვილმა საბოლოოდ უნდა გააკეთოს ის, რაც მას შეუძლია.
მისი თქმით, მესამე პრეზიდენტს საზღვარგარეთ მკურნალობა ესაჭიროება.
„ტელეკომპანია „იმედის“ მიერ განზრახ გამოქვეყნებული ვიდეოები ადასტურებს იმას, რომ ევროპარლამენტის
რეზოლუცია სრულად გამართლებულია.
სააკაშვილს საზღვარგარეთ მკურნალობა ესაჭიროება. სალომე ზურაბიშვილმა საბოლოოდ უნდა გააკეთოს ის, რაც შეუძლია, რომ გადაარჩინოს არა მარტო მიშა, არამედ დაეხმაროს თავის ქვეყანას ამ საშინელი მდგომარეობიდან გამოსვლაში“, – წერს რებეკა ჰარმსი.