„უკრაინის აღმოსავლეთით მდებარე ქალაქი სევეროდონეცკი დაეცემა“, – ამის შესახებ დასავლელმა ოფიციალურმა პირმა, ანონიმურად დარჩენის პირობით, BBC-ის განუცხადა.
„რუსეთი ახლა აკონტროლებს ქალაქ სევეროდონეცკის დიდ ნაწილს და საბოლოოდ უკრაინულ ძალებს ამ მხარეში ალყაში მოაქცევს“, – ამბობს დასავლელი მაღალჩინოსანი.
მისივე თქმით, დონბასში უკრაინას კიდევ ბევრი ბრძოლა ელის.
გარდა ამისა, მაღალჩინოსანმა აღნიშნა, რომ რუსეთი ბრძოლის ველზე იმ წინსვლის ტემპით ვერ მიდის, რომელსაც მოსკოვი თავდაპირველად იმედოვნებდა.
