4 ნოემბერს ღამით სომხეთის შეიარაღებული ძალების დაახლოებით 5 საათის განმავლობაში აზერბაიჯანული ფორმირებების პოზიციების მიმართულებით ისროდნენ. ეს ფაქტი ქალბაჯარის რაიონის დასახლება ელიჯასთან მოხდა. ინფორმაციას Deutche Welle აზერბაიჯანის თავდაცვის სამინისტროზე დაყრდნობით ავრცელებს.
ამავე ინფორმაციის მიხედვით, აზერბაიჯანის შეიარაღებულმა ძალებმა საპასუხო ცეცხლი გახსნეს.
თავის მხრივ, სომხურმა მხარემ ბაქო დეზინფორმაციის გავრცელებაში დაადანაშაულა. „სომხეთის შეიარაღებულ ძალებს 3-4 ნოემბრის ღამით აზერბაიჯანის შეიარაღებული პოზიციების მიმართულებით ცეცხლი არ გაუხსნიათ“ – აცხადებენ სომხეთის თავდაცვის სამინისტროში.
სომხეთის მიერ აზერბაიჯანული პოზიციების დაბომბვის შესახებ ბაქომ ინფორმაცია 3 ნოემბერსაც გაავრცელა.
ცნობისთვის, 2 დღის წინ აზერბაიჯანის პრეზიდენტი ილჰამ ალიევი, სომხეთის პრემიერ-მინისტრი ნიკოლ ფაშინიანი და რუსეთის პრეზიდენტი ვლადიმერ პუტინი სოჭში შეხვდნენ. შეხვედრის შემდეგ მხარეებმა ერთობლივი განცხადება გაავრცელეს, რომლის ერთ-ერთი პუნქტი სადავო საკითხების მოლაპარაკების გზით გადაჭრას ითვალისწინებს.
