უკრაინაში, რუსეთის შეჭრის გამო გამოცხადებული იძულებითი შესვენების შემდეგ, სკოლაში თითქმის 3 მილიონი მოსწავლე დაბრუნდა, – ამის შესახებ უკრაინის განათლებისა და მეცნიერების მინისტრმა სერხი შკარლეტმა განაცხადა.
„საოლქო სამხედრო ადმინისტრაციების განათლების განყოფილებების ოპერატიული მონაცემებით, 10 000-ზე მეტი ზოგადი საშუალო საგანმანათლებლო დაწესებულება დისტანციურ ფორმატში მუშაობს. 500-ზე მეტ სკოლაში არდადეგები მიმდინარეობს, ხოლო 2 400-ზე მეტ სკოლაში სასწავლო პროცესი, საომარი მდგომარეობის გამო, შეჩერებულია. 21 მარტის მდგომარეობით, სწავლა თითქმის 3-მა მილიონმა მოსწავლემ დაიწყო. დღეს დროებით იძულებით გადაადგილებული სტუდენტების რაოდენობა, რომლებიც სკოლებს სხვა ოლქებში შეუერთდნენ, თითქმის 44 000-ს აღწევს“, – განაცხადა სკარლეტმა.