ლტოლვილთა 79% ომის დასრულების შემდეგ უკრაინაში დაბრუნებას გეგმავს.ინფორმაციას უკრაინული მედია რაზუმკოვის ცენტრის გამოკითხვაზე დაყრდნობით ავრცელებს.
როგორც გამოკითხვაშია აღნიშნული, მხოლოდ 10% – არ გეგმავს დაბრუნებას, ხოლო 11% – ყოყმანობს.
გამოკითხულთა 89%-ს მიაჩნია, რომ უკრაინა მოიგებს ამ ომს, მხოლოდ 1%-ს არ სჯერა, ხოლო 10%-ს კითხვაზე პასუხის გაცემა უჭირს.
გაეროს მონაცემებით, 3 აპრილის მდგომარეობით, უკრაინელი ლტოლვილების რაოდენობამ 4,2 მილიონს გადააჭარბა.