უკრაინაში კორუფციის პრევენციის ეროვნულმა სააგენტომ (NAZK) სანქციების დაწესების კანდიდატთა სიაში Yandex-ის არაერთი შვილობილი კომპანია შეიყვანა. ამის შესახებ ინფორმაცია NAZK-ის ვებგვერდზე ვრცელდება.
როგორც განცხადებაში აღნიშნავენ, Yandex რუსეთის ფედერაციაში მუშაობს და მნიშვნელოვან გადასახადებს იხდის აგრესორის სახელმწიფო ბიუჯეტში. ასევე წერენ, რომ კომპანიის სერვისები დიდი ხანია რუსული პროპაგანდისთვის მუშაობენ და მჭიდროდ თანამშრომლობენ FSB-თან, რაც მათ მომხმარებლის პირადი მონაცემების მთელ რიგზე აძლევს წვდომას.
„იანდექსი არ გახდა „სახელმწიფოზე დამოკიდებული“, არამედ თავიდანვე შეიქმნა, როგორც რუსეთის ხელისუფლების ინტერესების ერთ-ერთი ელემენტი. ის რჩება ძლიერ პროპაგანდისტულ იარაღად რუსული ტელეარხების ანალოგიურად. Yandex მონაცემთა ბაზები ინახება რუსეთის ფედერაციაში მდებარე სამ დიდ მონაცემთა ცენტრში. FSB-ს აქვს მათზე წვდომა მთელი საათის განმავლობაში და საკმაოდ ოფიციალურად. ვფიქრობ, ყველას გვესმის, რომ პერსონალური მონაცემების უსაფრთხოებაზე აქ საუბარი არ შეიძლება“, – თქვა NAZK-ის თავმჯდომარე ალექსანდრე ნოვიკოვმა.
NAKC-მა უკრაინის უსაფრთხოების სამსახურსა და სხვა პასუხისმგებელ ორგანოებს, Yandex-ის კომპანიების წინააღმდეგ სანქციების გამოყენების შესახებ წინადადებები უკვე წარუდგინა.
