ჩინეთის პრეზიდენტი სი ძინპინი „დიდი ოცეულის“ სამიტს არ დაესწრება. ოფიციალური პეკინის განმარტებით, ჩინეთის დელეგაციას ქვეყნის პრემიერ-მინისტრი უხელმძღვანელებს.
ამ ფაქტს ამერიკის შეერთებული შტატების პრეზიდენტი გამოეხმაურა.
„იმედგაცრუებული ვარ, მაგრამ მას მაინც შევხვდები“, – განუცხადა ჯო ბაიდენმა ჟურნალისტებს.
სამიტს არც რუსეთის პრეზიდენტი ვლადიმირ პუტინი დაესწრება, რომლის დაკავების ორდერიც ჰააგის სასამართლომ უკრაინაში ჩადენილი სამხედრო დანაშაულების გამო გასცა.
„დიდი ოცეულის“ სამიტი ინდოეთში, 9-10 სექტემბერს გაიმართება.
