ჩეხეთის რესპუბლიკის საგარეო საქმეთა სამინისტრო ჩეხეთის რესპუბლიკის მოქალაქეებს მოუწოდებს, რაც შეიძლება მალე დატოვონ რუსეთი.
„თუ უკვე ქვეყანაში ხართ და გაფრთხილების მიუხედავად გადაწყვეტთ დარჩენას, გამოიჩინეთ განსაკუთრებული სიფრთხილე იქ ყოფნისას, მიჰყევით სანდო მედიას და შეიმუშავეთ გადაუდებელი გასვლის გეგმა“, – განაცხადა სამინისტრომ.
გარდა ამისა, სამინისტროს განცხადებით, რუსეთში ნაწილობრივი მობილიზაციის გამოცხადების შედეგად, ჩეხეთის რესპუბლიკის მოქალაქეებმა, რომლებიც ასევე არიან რუსეთის მოქალაქეობის მფლობელები, უნდა გაითვალისწინონ, რომ თუ ისინი რუსეთის ფედერაციის ტერიტორიაზე არიან, რუსეთის ხელისუფლების მიერ ისინი აღიქმებიან, პირველ რიგში, როგორც რუსეთის მოქალაქეები. რუსეთის ფედერაცია და ჩეხეთის საელჩო მოსკოვში ვერ უზრუნველყოფენ მათ ადეკვატურ, სრულ საკონსულო დაცვას.
