რუსეთის პრეზიდენტის პრესმდივნის, დმიტრი პესკოვის განცხადებით, საფრანგეთმა, რომელიც გმობს რუსეთის დარტყმებს უკრაინის ობიექტებზე, ასევე უნდა დაგმოს უკრაინის შეიარაღებული ძალების დარტყმები.
„ჩვენ მზად ვართ მივიღოთ ასეთი განცხადებები (რუსეთის ფედერაციის ქმედებების დაგმობა) მხოლოდ იმ შემთხვევაში, თუ მსგავსი განცხადებებით დაგმობენ უკრაინის საარტილერიო დარტყმებს დონბასში სამოქალაქო ობიექტებზე და საცხოვრებელ შენობებზე, რომლებიც 2014 წლიდან ხდება. საფრანგეთის ხელმძღვანელობისგან მსგავსი არ გვსმენია“, – განაცხადა პესკოვმა.
მანამდე, საფრანგეთის პრეზიდენტმა, ემანუელ მაკრონმა უკრაინის ობიექტებზე რუსული დაბომბვა დაგმო.
