რუსეთის პრეზიდენტის პრესმდივნის, დმიტრი პესკოვის განცხადებით, უკრაინაში კონფლიქტი აღმავალი ტემპით ვითარდება და მასში ჩრდილოატლანტიკური ალიანსის ჩართულობა იზრდება.
„ჯერჯერობით ჩვენ ვხედავთ, რომ ის [კონფლიქტი] მართლაც აღმავალი ტემპით ვითარდება. ჩვენ ვხედავთ ამ კონფლიქტში ნატოს ქვეყნების არაპირდაპირ და ზოგჯერ პირდაპირ ჩართულობას. გვესმის განცხადებები, რომლებიც მიუთითებს პოლიტიკური ნების აბსოლუტურ დომინირებაზე და მუდმივ ზრდაზე ამ ჩართულობის შესახებ“, – აღნიშნა პესკოვმა.
კრემლის სპიკერმა ასევე მიუთითა დასავლეთის ქვეყნების განცხადებებზე – ინფორმაცია იმის შესახებ, რომ უკრაინას აქვს რაიმე სახის წარმატება ბრძოლის ველზე, პესკოვის თქმით, დრამატული ილუზიაა.
