რუსეთის ქალაქებში პუტინის მიერ გამოცხადებული მობილიზაციის წინააღმდეგ საპროტესტო აქციების ჩატარება იგეგმება. ინფორმაციას korrespondent.net ავრცელებს.
„არა მობილიზაციას! სრულიად რუსეთის საპროტესტო აქცია. ყველა ქალაქის ცენტრში, 21 სექტემბერს, 19.00 საათზე“ – წერენ აქციის ორგანიზატორები, მოძრაობა „ვესნას“ წარმომადგენლები.
„პუტინმა ნაწილობრივი მობილიზაცია გამოაცხადა. ეს ნიშნავს, რომ ათასობით რუს კაცს – ჩვენს ძმებს, მამებს, ქმრებს – ომის ხორცსაკეპში გაუშვებენ. და რისთვის უნდა დაიღუპნენ? რისთვის უნდა დაღვარონ დედებმა და შვილებმა ცრემლები? პუტინის სასახლისთვის? “- წერია განცხადებაში.
ასევე ვრცელდება ინფორმაცია, რომ მკვეთრად მოიმატა რუსეთიდან თვითმფრინავით წასვლის მსურველთა რაოდენობა, მათ შორის ერევნის და თბილისის მიმართულებით. გარდა ამისა, ინსაიდერები წერენ, რომ „რუსეთის რკინიგზა“ და „აეროფლოტი“ 18-დან 65 წლამდე კაცებს ბილეთებს კომისარიატებიდან მიტანილი ცნობის გარეშე აღარ მიჰყიდიან.
